Tveir til taks á nýjan leik

Cody Gakpo er farinn að æfa eftir meiðsli. Hann meiddist á móti Tottenham Hotspur í síðasta mánuði. Hann er sem betur fer búinn að ná sér og æfði með Liverpool í dag. Hollendingurinn ætti þvi að geta leikið á móti Everton á laugardaginn. 

Það verður gott að fá Cody aftur í hópinn. Hann byrjaði leiktíðina mjög vel og er nú þegar búinn að skora þrjú mörk. Cody er alls búinn að skora tíu mörk fyrir Liverpool í þeim 34 leikjum sem hann er búinn að spila. 


Annar leikmaður verður til taks á nýjan leik á laugardaginn. Diogo Jota sat af sér leikbann á móti Brighton í síðasta leik fyrir landsleikjahlé. Hann hefur nú lokið leikbanninu og er löglegur á nýjan leik. Jota hefur líka byrjað leiktíðina vel og er búinn að skora fjögur mörk. Það er gott í níu leikjum.