Hávaðinn var meiri en Dominik bjóst við!

Dominik Szoboszlai spilaði í sínum fyrsta grannaslag í Liverpool borg. Hann sagði það hafa verið virkilega góða tilfinningu að vinna Everton. 

,,Virkilega góð tilfinning. Það er alveg einstakt að spila á Anfield. Við bætist að þetta var grannaslagur á móti Everton. Ég átti von á því að stemmningin myndi vera góð. En hávaðinn var meiri en bjóst við. Ég er búinn að spila á mörgum leikvöngum en þessi er einn af þeim allra bestu."

,,Trent var einn af leikmönnunum sem ég spurði fyrir leikinn hvernig stemmningin yrði. Allt starfsliðið var líka á einu máli um að hún myndi verða virkilega góð."

Dominik segir að undirbúningurinn hjá Liverpool fyrir alla leiki sé sá sami. En það lá eitthvað annað og meira í loftinu fyrir þennan leik. 

,,Við undirbúum okkur á sama hátt fyrir alla leiki. En í dag hugsuðu allir um grannaslaginn sem var framundan."

Dominik var einn þriggja leikmanna Liverpool sem spiluðu sinn fyrsta grannaslag. Hinir voru Alexis Mac Allister og Ryan Gravenberch.