Af EM

Nú liggur fyrir hvaða þjóðir leika til úrslita á Evrópumóti landsliða í knattspyrnu. Útlit er fyrir spennandi úrslitaleik en hann fer fram í Berlín á sunnudaginn kemur.

England vann 2:1 sigur á Hollandi í kvöld. Holland komst yfir en England sneri leiknum sér í vil og hafði sigur. Trent Alexander-Arnold og Joe Gomez voru varamenn allan tímann. 

Í gærkvöldi vann Spánn 2:1 sigur á Frakklandi. Líkt og í kvöld komst tapliðið yfir. En Spánverjar höfðu betur þegar upp var staðið. Ibrahima Konate var varamaður. 

England og Spánn leika því til úrslita um Evrópumeistaratitilinn. England hefur aldrei orðið Evrópumeistari en Spánverjar þrisvar.