Dregið í Deildarbikarnum

Dregið hefur verið til 3. umferðar í Deildarbikarnum. Liverpool, sem hefur titil að verja, mætir liði úr efstu deild. Mótherjinn hefði því getað verið auðveldari. Það er þó bót í máli að leikurinn verður á Anfield Road!

Liverpool mætir West Ham United. Leikið verður seinni partinn í september. Svo vill til að liðin mættust í þessari keppni á síðasta keppnistímabili. Liverpool vann þá öruggan stórsigur 5:1 á Anfield. Það veit vonandi á gott að mæta sama liði og síðast á leiðinni á Wembley! 

Liverpool vann Deildarbikarinn í tíunda sinn á síðasta keppnistímabili. Rauði herinn hefur titil að verja og vonandi tekst það!