Ég er sallarólegur!

Mikið hefur verið fjallað um þá staðreynd í fjölmiðlum að farið er að styttast í samningslok Virgil van Dijk. Hann segist sallarólegur yfir stöðu mála.

,,Ég er sallarólegur. Við skulum bara sjá til þegar líður að lokum keppnistímabilsins. Ég nýt þess að spila knattspyrnu og er í fínasta standi bæði líkamlega og andlega. Liðið og ég erum að spila fallega knattspyrnu. Það er því ekki nein ástæða til annars en að njóta þess að spila."

Samningur Virgil við Liverpool rennur út næsta sumar. Sama má segja um samninga þeirra Trent Alexander-Arnold og Mohamed Salah. Hvernig sem allt fer þá er Virgil sallarólegur yfir samningamálunum.