Nallo sló 27 ára gamalt met Michael Owen

Amaro Nallo lék sínar fyrstu mínútur fyrir Liverpool í leiknum gegn PSV í gærkvöldi. Honum tókst að setja heldur óskemmtilegt met á þeim örfáu mínútum sem hann var inná vellinum. 

Nallo kom inná á 83. mínútu og á 87. mínútu fékk hann beint rautt fyrir að brjóta á leikmanni PSV sem var sloppinn í gegn. Með spjaldinu sló hann tæplega 27 ára gamalt met sem enginn vill eiga. 

Nallo er aðeins 18 ára og 73 daga gamall og varð í gær yngsti leikmaðurinn í sögu Liverpool til að fá rautt spjald. Fyrra metið átti Michael Owen, en hann var 18 ára og 117 daga gamall þegar hann fékk að líta rauða spjaldið í leik Liverpool og Manchester United í apríl 1998. 

Vonandi tekst honum að gleyma þessum leik sem fyrst. 

YNWA