Ég ætla að vera hér í mörg ár!

Steven Gerrard slær á allar sögusagnir um ósætti á milli sín og Benítez og segist njóta lífsins hjá Liverpool. Stevie skoraði fyrsta mark sitt á tímabilinu gegn Bordeaux í gær og er greinilega allur að koma til.

"Ef þú lítur á frammistöðu mína í kvöld [gegn Bordeaux] virtist ég ekki vera mjög ósáttur. Ég mun vera hjá Liverpool um ókomin ár og ég nýt hverrar sekúndu hér."

Gerrard ræddi einnig ákvörðun Benítez að stilla upp sama byrjunarliði í tvo leiki í röð en Benítez hafði fram að leiknum gegn Bordeaux breytt byrjunarliðinu í 99 leiki í röð frá því Liverpool lék gegn Charlton og Fulham 1. og 5. febrúar 2005:

"Hann las upp liðið einum klukkutíma áður en leikur hófst og strákarnir voru undrandi á svip. Maður verður að hafa trú á verklagi hans sama hvaða liði hann stillir upp. Leikur okkar hefur verið óstöðugur og það er okkar leikmannanna að breyta því."