Bruno Cheyrou

Cheyrou leikur vinstra megin á miðjunni en getur líka leikið frammi. Aðall hans er afbragðstækni og leikskilningur og hann er einnig skeinuhættur í aukaspyrnum. Bruno kom til Lille árið 1997 þegar liðið var í 2. deild. Litla liðinu óx ásmegin og lék í fyrsta skipti í Meistaradeildinni á 2001-2002 tímabilinu. Cheyrou var óhræddur við að leika á meðal þeirra bestu og skoraði 3 mörk í 5 leikjum. Hann var einnig atkvæðamikill í frönsku deildinni og skoraði 11 mörk fyrir Lille 2001-2002.

Í kjölfar sölu hans til Liverpool þá valdi nýr þjálfari franska landsliðsins og fyrrum þjálfari Lyon, Jacques Santini, kappann loks í landsliðshópinn. Cheyrou hefur átt í erfiðleikum með að aðlagast enska boltanum og lítur út fyrir að hann sé á útleið. Hann er nú í láni hjá Bordeaux og stendur sig ágætlega þar.

Tölfræðin fyrir Bruno Cheyrou

Fréttir, greinar og annað um Bruno Cheyrou