Riise vill nýjan samning

Nú í sumar hafa margir nýjir leikmenn gengið til liðs við Liverpool og með komu þeirra hafa möguleikar Rafa Benítez í leikstíl og leikskipulagi margfaldast svo um munar. Liverpool hefur þó ekki tekið það í mál að útiloka fleiri kaup á leikmönnum í sumar og finnst John Arne Riise að nú verði hann að vera á tánum til að eiga framtíð á Anfield.

Riise sagði við opinbera heimasíðu Liverpool: "Hjá stóru félagi eins og Liverpool veistu að það mun alltaf vera mikil samkeppni um stöður í liðinu. Allt sem hver leikmaður getur gert er að einbeita sér, leggja hart að sér og reyna að sanna það fyrir stjóranum að hann sé verðugur til þess að fá stöðu í liðinu

Hjá félagi eins og Liverpool þá eru alltaf orðrómar um nýja leikmenn sem að gætu komið. Svo á hverju ári koma nýjir leikmenn í liðið, hvort sem það eru vinstri bakverðir eða aðrir leikmenn.

Ég reyni bara að sanna mig fyrir stjóranum og ég hef góða tilfinningu í augnablikinu. Ég hef átt sex mjög góð tímabil hérna og fengið að spila mikið. Vonandi verður næsta tímabil í sama dúr. Ég tek á móti allri samkeppni - ég er persóna sem þrífst á slíku."

Hann vill einnig skrifa undir nýjan samning við Liverpool og helst fá að ljúka ferli sínum sem leikmaður á Anfield. Liverpool hefur framlengt samninga allra helstu lykilmanna liðsins en þó hefur Riise ekki fengið samning þrátt fyrir að hafa verið fastamaður í byrjunarliðinu í sex tímabil.

Hann sagði við Liverpool Echo: "Það hafa verið margir orðrómar um nýja leikmenn sem að gætu verið á leið inní félagið. Það gerir það bara einfaldlega að verkum að þú verðir að herða þig enn meira. Ég hef verið að æfa mig stíft í sumar til þess að sýna stjóranum að ég er í formi og tilbúinn í átök.

Vitaskuld hef ég lesið fréttir um nýja leikmenn sem að gætu verið á leið til félagsins. Maður heyrir alltaf einhverjar um að stórt félag eins og Liverpool sé að reyna að fá til sín nýja leikmenn.

Enn sem komið er hef ég átt sex frábær tímabil hér svo ég vonast til þess að á þeim tíma hafi ég gert meira rétt fremur en rangt. Ég hef tekið þátt í flest öllum leikjum liðsins á þeim tíma og ég vonast til að það muni halda áfram. Ég vil ljúka ferli mínum hér. Það vita það allir og ég vil ekkert meira heldur en að skrifa undir langtíma samning við Liverpool."

Að lokum þá er hann mjög spenntur fyrir samstarfinu á vinstri kantinum með einum af nýju leikmönnum Liverpool, Ryan Babel: "Ryan er mjög fljótur og hann er réttfættur en leikur á vinstri kanti. Það getur þá gert honum það léttara að komast í færi. Ég tel að viðbæturnar í sumar muni styrkja okkur á næsta tímabili.