Ógleymanlegur dagur

Alvaro Arbeloa hefur verið valinn í spænska landsliðið fyrir Evrópukeppni landsliða. Hann lék sinn fyrsta landsleik fyrir nokkrum vikum og segist aldrei gleyma þeim degi.

"Ég mun aldrei gleyma þeim degi því þá rættist draumur sem ég hafði alið með mér. Ekki spillti fyrir að við lögðum heimsmeistara Ítala að velli. Ég er mjög ánægður því ég var ekki viss hvort ég ætti eftir að komast í landsliðið. Draumurinn rættist svo við síðustu skiptinguna þegar þjálfarinn sagði mér að gera mig tilbúinn. Landsliðsþjálfarinn, Luis Aragones, óskaði mér til hamingju með góða framgöngu og núna vonast ég til að verða fyrir valinu þegar hann velur liðið fyrir Evrópukeppni landsliða. Við sjáum hvað setur."

Alvaro Arbeloa varð fyrir valinu, þegar Luis valdi landsliðshópinn, og nú er að sjá hvort hann kemur eitthvað við sögu hjá spænska landsliðinu í sumar.