Mark spáir í spilin

Ekki komust allir heilir heim úr landsleikjahrotunni. Tveir komu laskaðir heim og verða eitthvað frá. Á hinn bóginn náðu nokkrir leikmenn Liverpool að skora fyrir landslið sín og vonandi halda þeir áfram að skora um helgina. Liverpool hefur ekki byrjað betur í deildinni í áraraðir og vonandi heldur góð byrjun áfram á morgun. Ekki veitir af að halda dampi í kreppunni sem herjar á flest og flesta! Hvernig skyldu til dæmis viðskiptabankar Liverpool standa nú um stundir? Þeir voru þó ekki íslenskir! En knattspyrnuleikir vinnast á knattspyrnuvöllum! 

Fróðleiksmolar frá BBC

- Liverpool er í öðru sæti deildarinnar með jafn mörg stig og Chelsea. 

- Liverpool vann Manchester City í síðasta deildarleik. Það var fimmti sigur Liverpool í röð í öllum keppnum.

- Spili Steven Gerrard þá verður það 450. leikur hans með Liverpool.

- Liverpool hefur skorað tólf mörk í sex deildarleikjum gegn Wigan.

- Liverpool hefur unnið allar viðureignir sínar við Wigan utan eina sem lauk með jafntefli.

- Liverpool vann Manchester City í síðasta deildarleik eftir að hafa lent tveimur mörkum undir. Það var í fjórða sinn á leiktíðinni sem Liverpool vinnur eftir mótherjarnir hafa komist yfir.

- Tveir fyrrum leikmenn Liverpool eru hjá Wigan. Þetta eru þeir Chris Kirkland og Emile Heskey. 

- Liverpool og Chelsea eru einu liðin í efstu deild sem ekki hafa tapað leik á leiktíðinni.

- Leikur liðanna á Anfield Road á síðustu leiktíð. 2. janúar 2008. Liverpool : Wigan Athletic. 1:1. Mark Liverpool: Fernando Torres ( 49. mín.). Mark Wigan: Tutus Bramble (80. mín.).

Spá Mark Lawrenson

Liverpool v Wigan Athletic

Fernando Torres er ekki leikfær en Liverpool á núna fleiri valkosti. Það virðist sem að framkvæmdastjórinn Rafael Benitez hafi nú áttað sig á því hvað til þarf svo hægt sé að vinna deildina. Hann breytir liðinu minna og liðið leikur beittari sóknarleik. Wigan á eftir að berjast vel en Liverpool ætti að hafa betur.

Úrskurður: Liverpool v Wigan Athletic 2:0.