Við minnum á fánadaginn á Akureyri á morgun

Það verður hörku stemmning á Allanum Sportbar á Akureyri næsta laugardag í tengslum við leik Liverpool og West Ham í deildinni.  Þennan dag verður einn af hinum rómuðu fánadögum haldinn á heimavelli klúbbsins fyrir norðan.  Nú þýðir ekkert minna en að klæða sig upp í réttan fatnað, finna trefla og fána og skunda á staðinn.  Nú skal verða fjör, algjörlega fullorðins.

Það verður ekki tekið í mál að menn sitji heima og horfi þar á leikinn, nú troðfyllum við Allann og myndum hina margfrægu Liverpool stemmningu.  Nærsveitungar eru hvattir til að gera sér sérstaklega ferð á svæðið og taka þátt í þessu með okkur.  Að vanda verður getraun í gangi með ýmsum vinningum.  Takið daginn frá, húsið opnar klukkan 14:30 og það er um að gera að mæta snemma til að missa örugglega ekki af neinu.