Síðasti leikur tímabilsins á Players á morgun

Já, það er komið að síðasta leik þessa leiktímabils, leik Liverpool og Tottenham á Anfield í Liverpool.  Að sjálfsögðu verður leikurinn í þráðbeinni útsendingu á heimavelli Liverpoolklúbbsins á Íslandi, Players í Kópavogi.  Nú er um að gera að fjölmenna, því ekki verður meira um boltann í bili.

Leikurinn verður líka sérstakur að því leiti að Sami Hyypia er að fara að leika sinn síðasta leik í treyju Liverpool FC.  Finnski höfðinginn er sannkölluð goðsögn í lifanda lífi og á svo sannarlega skilið að fá góðar kveðjur frá okkur stuðningsmönnum.

Komum nú og fyllum húsið í þessum lokaleik tímabilsins.