Mark spáir í spilin

Leikmenn Liverpool bitu í skjaldarrendur og brugðust hart við tapleiknum gegn Tottenham með því að vinna stórsigur á Stoke City. Skyndilega er staðan ekki sem verst! Stórsigur og liðið er vonandi komið á beina braut. Þeir sem hugsa jákvætt hugsa jákvætt áfram en þeir sem féllu í svartnætti eftir tapið gegn Tottenham geta nú farið að hugsa á jákvæðum nótum. Knattspyrna er jú, eins og aðrar íþróttir, mikið til spurning um hugarfar. Það er að segja rétt og jákvætt hugarfar!

Liverpool á að eiga góða möguleika á Englandsmeistaratitlinum á þessu keppnistímabili. Til þess að það geti gerst þarf sterkan liðshóp og lykilmenn verða að haldast heilir. Einn nýr liðsmaður hefur komið til liðs við Liverpool frá síðasta leik. Mörgum finnst að það þurfi að styrja liðshópinn frekar. Hvort það gerist kemur í ljós fyrir lok þessa mánaðar.

Fróðleiksmolar...

- Liverpool hefur nú fengið 5000 stig í efstu deild. Ekkert lið hefur náð fleiri stigum í efstu deild.

- Steven Gerrard hefur skorað tíu mörk á móti Aston Villa. Hann hefur skorað flest mörk gegn Villa af öllum liðum. 

- Steven skoraði þrennu gegn Villa á síðustu leiktíð þegar Liverpool vann 5:0 á Anfield.
 
- Liverpool hefur skorað fimm mörk á þessari leiktíð. Fimm leikmenn hafa skorað mörkin.

- Liverpool hefur aldrei tapað leik sem Fernando Torres hefur skorað í. Hann hefur skorað í 28 leikjum með Liverpool.

- Hann hefur skorað 51 mark í þessum 28 leikjum.   

  

Spá Mark Lawrenson

Liverpool v Aston Villa

Liverpool átti slakan leik á móti Tottenham en liðið lék mjög vel gegn Stoke á miðvikudaginn og sundurspilaði liðið á köflum. Villa hefur ekki byrjað keppnistímabilið vel. Vörn liðsins virðist ekki sterk núna og það sást vel þegar liðið tapaði fyrir Wigan í fyrsta leik. 

Með þetta allt í huga þá á ég ekki von á öðru en að Liverpool haldi áfram þaðan sem frá var horfið gegn Potters og vinni sinn annan leik í röð.

Úrskurður: Liverpool v Aston Villa 2:0.