Gerrard og Johnson ekki með gegn Fulham

Rafa Benítez hefur staðfest að Steven Gerrard og Glen Johnson verði ekki með gegn Fulham á morgun.  Stjórinn er hinsvegar vongóður um að Fernando Torres muni spila.

Gerrard hefur lítið getað spilað síðan hann meiddist í landsleikjahlénu í byrjun mánaðarins og Johnson reif kálfavöðva á æfingu í vikunni.  Óvíst er svo hvort Alberto Aquilani geti ferðast með liðinu en hann veiktist eftir leikinn við Arsenal.

Benítez sagði í viðtali við opinbera heimasíðu félagsins:  ,,Gerrard á enn í vandræðum með nárameiðslin og hann verður ekki tiltækur um helgina.  Sem stendur er hann að vinna með sjúkraþjálfurunum.  Hann verður að halda áfram að vinna með þeim og við sjáum til í næstu viku hver staðan verður þá."

,,Johnson reif kálfavöðva smávægilega og við verðum án hans í u.þ.b. viku."  Benítez bætti svo við:  ,,Aquilani er á góðu róli ástandlega séð.  Ökklinn er að jafna sig á réttan hátt.  Vandamálið núna er það að hann smitaðist af vírus, það verður því erfitt fyrir hann að spila.  Við sjáum til hvernig hann verður seinnipartinn í dag en honum leið ekki vel í gær.  Hann vildi spila gegn Arsenal og var virkilega ánægður með að ná því.  Hann vill líka spila gegn Fulham en við verðum að sjá til með hvernig honum líður."

Þeir Martin Kelly og Albert Riera eru einnig frá vegna meiðsla, Kelly er ennþá meiddur á ökkla síðan í leiknum gegn Lyon og Riera er meiddur á nára.

Hinsvegar vonast Benítez til þess að geta notað Fernando Torres en Spánverjinn ætti að vera klár í slaginn eftir að hafa staðið sig frábærlega gegn Manchester United.

Benítez sagði:  ,,Hann er að verða betri.  Hann hefur verið að æfa og vinna með sjúkraþjálfurunum.  Við sjáum til hvort hann verði betri um helgina.  En staðan er erfið því ef hann er látinn spila þá hefur hann oft ekki mikinn tíma til að verða 100% klár aftur."

Á meðfylgjandi mynd má sjá Yossi Benayoun skora eina mark leiksins á Craven Cottage á síðasta tímabili.