Nýr æfingaleikur

Á dögunum var tilkynnt um nýjan æfingaleik. Liverpool heldur þá á fornar slóðir sem geyma góðar minningar. Þann 28. júlí mætir Liverpool tyrkneska liðinu Galatasaray og mun leikurinn fara fram í Miklagarði.

Eins og allir muna vann Liverpool Evrópubikarinn í Istanbúl og víst verður gaman að rifja upp góðar minningar þegar Rauði herinn mætir þangað á nýjan leik. Þeir Steven Gerrard og Jamie Carragher eru einu leikmenn Liverpool, af Evrópumeisturunum 2005, sem enn eru í liðinu. Í liði Galatasaray er á hinn bóginn einn Evrópumeistari en það er Tékkinn Milan Baros. 

Liverpool leikur á undan við Hull City 23. júlí og næsti leikur á eftir Tyrklandsferðinni verður við Valerenga í Ósló.