Stóðum okkur vel

Steven Gerrard segir Liverpool hafa staðið sig vel á móti Manchester United og átt að vinna. Fyrirliðinn var ánægður með markið sem hann skoraði.
 
,,Mér fannst fyrri háfleikurinn mjög daufur. Ég held að bæði lið hafi verið spennt og svolítið taugaóstyrk. Kannski báru þau of mikla virðingu fyrir hvoru öðru. Ef við skoðum síðari hálfleikinn, miðað við marktækifæri, þá erum við vonsviknir að hafa ekki náð öllum stigunum. Það er okkur til hróss hvernig við spiluðum og sýnir framfarir okkar. Við getum án nokkurs vafa tekið eitt og annað jákvætt úr leiknum."

,,Við erum ánægðir með hvernig við spiluðum og hefðum auðveldlega getað unnið tvö eitt eða jafnvel þrjú eitt. Luis og Dirk áttu færi og markvörðurinn sýndi heimsklassamarkvörslu frá Jordan. Við spiluðum mjög vel og nógu vel til að vinna leikinn."

Steven Gerrard skoraði í fimmta sinn gegn Manchester United þegar hann sendi boltann í markið fyrir framan The Kop. Hann segir frábært að hafa skorað en viðurkennir að heppnin hafi verið með honum þegar hann tók aukaspyrnuna.

,,Þetta var frábær tilfinning. Síðustu sex mánuðirnir hafa verið mjög erfiðir. Ég hef ekki gaman af að horfa á strákana úr stúkunni. Ég vil vera úti á vellinum og hafa áhrif á gang mála í leikjum. Ég áttaði mig ekki á hvað ég hafði fyrr en ég gat ekki spilað svona lengi. Ég er bara hæstánægður með að vera kominn aftur til leiks og upplifa spennuna í stórleikjum á nýjan leik. Dagurinn hefði verið fullkominn ef þetta mark hefði dugað til sigurs en svo fór ekki."

,,Aukaspyrnan var nú ekki sú besta. Ég ætlaði að skjóta yfir veginn en veggurinn riðlaðist. Kannski var þetta heppnin sem ég var að vona að fylgdi mér í fyrsta leiknum."

Steven Gerrard lék mjög vel gegn Manchester United og margir fjölmiðlar völdu hann besta manninn á vellinum. Hann var líka valinn í lið helgarinnar hjá BBC og Sky sport.