Michael Owen kemur ekki

Liverpool Daily Post fullyrðir í dag að Brendan Rodgers hafi ekki hug á því að semja við Michael Owen. Framlínan verður því að duga fram í janúar að minnsta kosti.

Eftir að ljóst var að Liverpool næði ekki í nýjan framherja í ágúst glugganum hefur nokkuð sterkur orðrómur verið uppi um að Michael Owen gangi aftur til liðs við félagið, en hann er sem stendur samningslaus.

Staðarblaðið Liverpool Daily Post slær þessar vangaveltur út af borðinu í dag. Í umfjöllun blaðsins er fullyrt að Brendan Rodgers hafi engan hug á því að tryggja sér þjónustu Michale Owen. Framlínan sé vissulega þunnskipuð, en breytingar á henni verði að bíða fram í janúar.

Reyndar hefur Brendan sagt að það sé ekki mikilla tíðanda að vænta í janúar, þannig að kannski verða Luis Suarez og Fabio Borini að bera framlínuna uppi einir í allan vetur.