Nuri Sahin í úrslitaleik

Nuri Sahin er nú að undirbúa sig undir úrslitaleikinn í Meistaradeildinni. Hann var í láni hjá Liverpool fram að áramótum frá Real Madrid. Þá lét Brendan Rodgers lánssamningnum lokið og í stað þess að snúa aftur til Madrídar fór Tyrkinn aftur í lán og nú til Borussia Dortmund. Nuri lék með Dortmund áður en hann fór til Real Madrid. 

Dortmund komst í úrslitaleikinn um Evrópubikarinn sem fer fram á laugardaginn en liðið mætir Bayern Munchen á Wembley. Nuri hefur að jafnaði ekki verið í byrjunarliði Dortmund frá því hann kom þangað en það er aldrei að vita hvað verður á laugardaginn.  

Nuri Shain lék 12 leiki með Liverpool og skoraði þrjú mörk.