Ibe lánaður til Derby County

Hinn 18 ára gamli vængmaður Jordon Ibe hefur verið lánaður til Derby County til loka leiktíðarinnar.


Ibe hefur spilað þrjá leiki með aðalliði félagsins síðan hann kom fyrst við sögu gegn Q.P.R. á lokadegi leiktíðarinnar 2012-2013.

Hann stóð sig svo vel á undirbúningstímabilinu í sumar og var hluti af hópnum sem fór til Bandaríkjanna í æfingaferð.

Derby County eru í næst efstu deild Englands og margir muna að Andre Wisdom var á láni hjá þeim á síðasta tímabili. Félagið tapaði í umspili fyrir Q.P.R. í vor. Þeir eru sem stendur í 7. sæti með 7 stig eftir fjóra leiki og eru taldir líklegir til að berjast um efstu sæti deildarinnar á tímabilinu.