Tilboðum hafnað

Eins og allir vita hefur Liverpool ekki keypt neinn leikmann hingað til. En það hafa komið tilboð í leikmenn Liverpool sem hefur verið hafnað. Um er að ræða tvo leikmenn. 


Í fyrsta lagi bauð franska liðið Marseille í Wataro Endo. Hermt er að tilboðið hafi verið 16 milljónir sterlingspunda en Liverpool keypti hann frá Stuttgart fyrir ári á þá upphæð. Tilboðinu var hafnað og mun Japaninn ekki vera falur. 


Í annan stað var boði Hollandsmeistara PSV Eindhoven í Sepp van den Berg hafnað. Tilboðið var um átta milljónir punda. Liverpool keypti hann 2020 frá Zwolle 1,3 milljónir en sú upphæð gat farið upp í rúmar fjórar milljónir. Sepp er búinn að spila mjög vel á undirbúningstímabilinu. Hugsanlega vill Liverpool selja hann og hefur verið nefnt í fjölmiðlum að tilboði upp á 20 milljónir yrði kannski tekið. 

Aðrir leikmenn Liverpool hafa ekki verið orðaðir við brottför. Að minnsta kosti ekki alvarlega.