Christan Ziege hættur

Christian Ziege hefur neyðst til þess að leggja skóna á hilluna vegna þrálátra ökklameiðsla. Hann hefur ekki leikið knattspyrnu síðan í desember 2004.

Ziege var bæði miður sín og létt að ferlinum skyldi vera lokið: "Ég er leiður yfir því að ferillinn sé á enda en feginn að þessi endalausu meiðsli, endurhæfing og brostnar vonir sé lokið. Ég vann meistaratitillinn í Þýskalandi og á Ítalíu, Evrópukeppni landsliða og fékk silfurmedalíu í HM. Það er varla hægt að afreka meira í boltanum."

Christain Ziege var hjá Liverpool frá ágúst 2000 til júlí 2001 og lék 32 leiki og skoraði tvö mörk. Hann varð Deildarbikarmeistari með Liverpool 2001. Þjóðverjinn skoraði úr einni vítaspyrnunni þegar Liverpool vann Deildarbikarinn eftir sigur á Birmingham City í vítaspyrnukeppni. Hann lék einnig með Bayern Munchen, AC Milan, Middlesbrough, Tottenham, Gladbach og lék 72 landsleiki fyrir þýska landsliðið.