Það þurfti sérstakt mark til að sigra okkur

Jol sagði orðrétt:  ,,Það er erfitt að stoppa svona mark.  Við lögðum hart að okkur, spiluðum vel og fyrir utan færið sem Peter Crouch fékk í fyrri hálfleik áttum við ekki í miklum vandræðum."

,,Við hefðum getað verið beittari framávið og Robbie Keane klúðraði mjög góðu færi strax eftir leikhlé.  Ef hann hefði skorað þá hefðu úrslitin í leiknum verið öðruvísi."

,,En það er ekki hægt annað en að hrósa Harry Kewell, þetta var sérstakt mark, hann hitti boltann vel og það er ekki mikið sem hægt er að gera við því."

,,Við vorum mikið með boltann og lykillinn að velgengni á Anfield er að þagga niður í áhorfendum.  Við náðum því markmiði lengi vel í leiknum."

,,Við héldum Alonso niðri og Steven Gerrard var ekki eins góður og hann á að sér að vera.  Það sýnir hversu hart við lögðum að okkur í okkar undirbúningi, en það er ekki hægt að stoppa ótrúleg skot eins og Kewell náði."