Í hnotskurn

Klaufalegt tap í kulda og trekki. Liðið hans Rafael Benítez hefur ekki tapað svona áður. Þetta er leikur Liverpool og Newcastle United í hnotskurn.

- Þetta var fyrsta deildartap Liverpool á þessu ári.

- Í fyrsta sinn á stjórnartíð Rafael Benítez tapaði Liverpool deildarleik eftir að hafa náð forystu.

- Fyrir þennan leik hafði Liverpool náð forystu í 58 deildarleikjum undir stjórn Rafael. Liverpool hafði unnið 52 af leikjunum og gert sex jafntefli.

- Á þessari leiktíð hafði Liverpool unnið 14 af þeim 14 deildarleikjum sem liðið hafði náð forystu í.

- Þetta var 42. leikur Newcastle á leiktíðinni. Ekkert lið í deildinni hefur leikið fleiri leiki. Þarna eru leikir í öllum keppnum taldir.

- Þetta var 40. leikur Liverpool.

- Allir muna eftir hinu ævintýralega marki sem Xabi Alonso skoraði í fyrri leik liðanna á Anfield Road þegar Liverpool vann 2:0!. Hann skoraði þá frá eigin vallarhelmingi. Hann var fjarri góðu gamni í þessum leik vegna þess að hann var í leikbanni.

- Craig Bellamy skoraði sitt áttunda mark á leiktíðinni.

- Spánverjinn Álvaro Arbeloa lék sinn fyrsta leik með Liverpool þegar hann kom inn sem varamaður í síðari hálfleik.

Jákvætt:-) Liverpool lék mjög vel í fyrri hálfleik og skapaði sér mörg góð færi. Craig Bellamy var mjög ógnandi í sókninni.

Neikvætt:-( Leikmenn Liverpool gáfu eftir í síðari hálfleik. Bæði mörk Newcastle komu eftir slæm mistök í vörn Liverpool en þau hafa verið sjaldséð síðustu vikurnar. Sóknarmenn Liverpool fóru illa með góð færi og það kom í bakið þegar upp var staðið.

Þrír bestu leikmenn Liverpool samkvæmt Liverpoolfc.tv:

1. Steve Finnan. Herra Traustur. Steve átti góðan leik á hægri vængnum og lagði sig allan fram.

2. Craig Bellamy. Hann hrelldi vörn Newcastle með hraða sínum í fyrri hálfleik. Craig skoraði gott mark og með smá heppni hefði hann getað skorað þrennu.

3. Jamie Carragher. Fórnaði öllu sínu fyrir liðið eins og hans er von og vísa.