Mark spáir í spilin

Það lá við jarðskjálfta á bökkum Mersey árinnar þegar í ljós kom að Liverpool og Everton hefðu dregist saman í F.A. bikarnum. Þetta þýddi að þessi rimma verður sú fyrri af tveimur á tveimur á sjö dögum. Ein hefði nú alveg verið nóg fyrir taugakerfi stuðningsmanna þeirra Rauðu og Bláu í Liverpool. Mikið er undir í báðum leikjunum og þó allt það sem mestu skipti væri talið upp þá er alltaf eitt atriði öðru æðra. Stoltið! Það verður barist um stoltið á Anfield Road núna á mánudagskvöldið og svo aftur á sama stað annan sunnudag. En svo er Liverpool auðvitað að berjast um enska meistaratitilinn og Everton er í baráttu um Evrópusæti. Þetta er allt eins það á að vera í Liverpool!

Fróðleiksmolar...

- Liverpool er í efsta  sæti deildarinnar tveimur stigum á undan Manchester United. 

- Liverpool hefur nú haldið efsta sætinu í deildinni frá því þann 1. desember.

- Þetta verður í 209. sinn sem Liverpool og Everton leiða saman hesta sína.

- Sú deildarleikir einungis taldir þá telst þetta sá 180. í röðinni.

- Liverpool hefur unnið 82 af þeim 208 leikjum sem liðin hafa leikið. Everton hefur unnið 64.

- Þeir Jose Reina, Jamie Carragher og Dirk Kuyt hafa leikið alla deildarleiki Liverpool á leiktíðinni. Þeir eru einu leikmenn Liverpool sem hafa gert það.

- Everton hefur unnið fjóra síðustu leiki sína.

- Everton hefur ekki fengið á sig mark í 350 mínútur.

- Fernando Torres hefur skorað þrjú síðustu mörkin sem Liverpool hefur skorað gegn Everton.

- Liverpool hefur unnið fimm og gert fimm jafntefli í síðustu tíu deildarleikjum.

- Það eru aðeins 1,9 kílómetrar á milli Anfield Road og Goodison Park. Ekki er styttra milli neinna leikvanga félaga sem nú eru í efstu deild á Englandi.

- Síðasti deildarleikur liðanna á Anfield Road. 30. mars 2008. Liverpool : Everton. 1:0. Mark Liverpool: Fernando Torres (7. mín.).

 

Spá Mark Lawrenson

Liverpool v Everton

Everton hefur staðið sig frábærlega síðustu vikurnar án þess að hafa hreinræktaðan sóknarmann til taks. Mig rekur svo ekki minni til þess hvenær liðið fékk síðast mark á sig. Form liðanna hefur ekki endilega mikið að segja í svona derby leikjum. Líklega verður þetta gríðarlega jafn leikur og trúlega nær Liverpool að merja sigur. En það sem maður hefur áhyggjur af í sambandi við þá Rauðu er hver, ef Fernando Torres er ekki byrjunarliðinu og Robbie Keane er á bekknum, fyrir utan Steven Gerrard átti helst að geta gert út um leiki.

Úrskurður: Liverpool v Everton 1:0.