Mark spáir í spilin

Vonir Liverpool um áframhald í Meistaradeild Evrópu jukust til muna í vikunni með glæsilegum útisigri á stórliði Real Madrid á Santiago Bernabeau. Nú er komið að deildinni að nýju. Það er vonandi að þetta verði til þess að skriður komist á gengi liðsins aftur.

Liðið heimsækir menn Gareth Southgates á Riverside-leikvanginn á laugardag, en þeir náðu langþráðum sigri á miðvikudag gegn West Ham í endurteknum leik í FA-bikarnum. Þeir mæta því fullir sjálfstraust og ríður á fyrir Liverpool menn að nota sigurinn gegn Madrid til að standast áhlaup Middlesbroughmanna og koma forskoti Manchester United niður í 4 stig og vona að þeir fari að misstíga sig.

Fróðleiksmolar...

- Liverpool er í öðru sæti deildarinnar á eftir Manchester United.

- Forskot Manchester liðsins jókst um síðustu helgi úr 5 stigum í 7.

- Þeir Jose Reina, Jamie Carragher og Dirk Kuyt hafa leikið alla deildarleiki Liverpool á leiktíðinni. Þeir eru einu leikmenn Liverpool sem hafa gert það.

- Skori Liverpool ekki eru mestar líkur á að leiknum ljúki án marka. Svoleiðis hefur öllum fimm leikjum Liverpool lyktað á þessari leiktíð sem liðið hefur ekki skorað í.

- Liverpool hefur fengið fleiri stig á útivelli en á heimavelli. 28 á móti 27, hvort um sig í 13 leikjum.

- Liverpool vann leik liðanna á Anfield í haust 2-1 með marki Steven Gerrard í uppbótartíma eftir að Mido hafði komið Middlesbrough yfir.

- Fernando Torres verður líklega ekki með Liverpool vegna ökklameiðsla sem hann varð fyrir gegn Real Madrid í vikunni.

- Middlesbrough sitja í 19. og næstneðsta sæti deildarinnar með 23 stig, stigi fyrir ofan West Brom.

- Middlesbrough hafa ekki unnið deildarleik síðan 9. nóvember á síðasta ári þegar þeir lögðu Aston Villa á útivelli 2-1.

- Síðasti deildarsigur þeirra á heimavelli var gegn Manchester City 29. október síðasta árs.

- Liðið hefur jafnframt náð í 15 af 23 stigum sínum á heimavelli.

- Síðasti deildarleikur liðanna á Riverside 12. janúar 2008. Middlesbrough 1 : 1 Liverpool. Mark Liverpool: Fernando Torres (71. mín.).

Spá Mark Lawrenson

Middlesbrough-Liverpool

Öllum að óvörum unnu Middlesbrough leik á miðvikudag. Bikarsigurinn gegn West Ham mun hafa bætt sjálfstraust þeirra en ég var á þeirri skoðun að slæmu gengi þeirra færi að ljúka. Það er samt sem áður erfitt að leggja Liverpool að velli. Þrátt fyrir að leikurinn í Madrid á miðvikudag hafi reynt á tel ég að þeir muni ná einhverju út úr þessum leik.

Úrskurður: 1-1