Darby að fá framlengdan samning

Stephen er mikils metinn hjá þjálfarateymi Liverpool og er hann fyrirliði varaliðs félagsins. Hann var fyrirliði unglingaliðsins sem vann Ungliðabikarinn árið 2006 en hann lék einnig stórt hlutverk í sigri liðsins í sömu keppni tímabilið eftir.

Stephen, sem er uppalinn hjá Liverpool, hefur komið tvisvar inn á sem varamaður á tímabilinu, í sigurleik á PSV í Meistaradeild Evrópu og í tapleik gegn Tottenham í Deildarbikarnum. 

Stephen Darby þótti standa sig með sóma í þessum leikjum og er hann einn af yngri leikmönnum liðsins sem eru nálægt því að brjóta sér leið í aðallið félagsins.

Rafael Benítez er sagður vera mikil aðdáandi hans og vonast hann til þess að framlengja framtíð hans hjá félaginu sem fyrst. Rafael er á fullu núna að framlengja samninga við nokkra leikmenn liðsins og þar á meðal eru þeir Steven Gerrard, Fernando Torres, Dirk Kuyt, Daniel Agger og Jay Spearing.