Mark spáir í spilin

Liverpool mætir til leiks á páskadegi. Það er sama hver dagurinn er til vors sigur verður að nást. Vonandi færir lið Liverpool stuðningsmönnum sínum páskagleði í ár. Reyndar fæst sönn páskagleði á annan hátt en í gegnum knattspyrnu en sigur í knattspyrnuleik spillir ekki fyrir gleði dagsins.

Liverpool sýndi frábæran leik á pálmasunnudag þegar liðið tók Sunderland í kennslustund á Anfield. Stuðningsmenn Liverpool glöddust en veltu því um leið fyrir sér af hverju í ósköpunum liðið þeirra sé ekki búið að spila svona oftar á þessu keppnistímabili. Í pálmasunnudagsleiknum var almennilegt yfirbragð á Liverpool. Leikmenn liðsins voru á hreyfingu allan leikinn, hver sóknin rak aðra, baráttan var í góðu lagi og menn léku með bros á vörn. Þetta er frekar einföld uppskrfit en ég, frekar en aðrir stuðningsmenn Liverpool, vita trauðla hvers vegna Rauliðar hafa ekki fylgt uppskriftinni góðu oftar á leiktíðinni. Gleðilega páska!


- Liverpool tapaði síðasta leik sínum eftir einn deildarsigursigur eftir tap.

- Liverpool hefur ekki unnið Birmingham City í síðustu sjö deildarleikjum.

- Birmingham er eina liðið sem Rafael Benítez hefur ekki náð að stýra Liverpool til sigrs gegn í deildinni.
 
- Liverpool hefur ekki unnið deildarleik á útivelli á þessu ári.
 
- Síðasti útisigur Liverpool í deildinni var reyndar í Birmingham þegar liðið lagði Aston Villa 1:0 þar í borg um jólin.

- Birmingham hefur ekki tapað á heimavelli í deildinni frá því í september.

- Liverpool tapaði síðasta leik sínum á páskadegi þegar liðið lá 3:0 fyrir Manchester United á Old Trafford fyrir tveimur árum.

- Jose Reina er eini leikmaður Liverpool sem hefur spilað alla deildarleiki liðsins á þessari leiktíð.
 
- Fernando Torres hefur skorað flest mörk Liverpool á keppnistímabilinu eða tuttugu talsins.

Spá Mark Lawrenson

Birmingham City v Liverpool

Birmingham gaf sig hvergi gegn Arsenal í síðustu viku og uppskar stig undir lokin. Fyrir þann leik var liðið búið að tapa nokkrum leikjum og í kjölfarið stillti Alex McLeish, framkvæmdastjóri þess, upp meiri varnarleikaðferð með fimm á miðjunni og einn í sókn. Þetta gerði mótherjunum erfitt fyrir.

Ég á von á því að sama aðferð verði notuð til að halda Fernando Torres, sem er í miklu formi, í skefjum. Liverpool hefur komist í gang eftir að hann kom til baka úr meiðslum. Fjarvera hans hefur berlega undirstrikuð þau mistök sem gerð voru með því að halda í leiktíðina án þess að hafa sóknarmann til að leysa hann af. 

Úrskurður: Birmingham City v Liverpool 0:0.