Allt það helsta um Dietmar Hamann

Árshátíð Liverpool klúbbsins á Íslandi fyrir árið 2013 fer fram á laugardagskvöldið. Heiðursgestur hátíðarinnar í ár er Dietmar Hamann. Hér er allt það helsta um hann.

Nafn: Dietmar Hamann.

Fæðingardagur: 27. ágúst 1973.
 
Fæðingarstaður: Waldasson í Þýskalandi.

Félög: Bayern München (1989 til 1998), Newcastle United (1998 til 1999), Liverpool (1999 til 2006), Bolton Wanderers (2006), Manchester City (2006-2009) og Milton Keynes Dons (2010 til 2011).
 
Leikir með Liverpool: 283.

Mörk með Liverpool: 11.
 
Titlar með Liverpool: F.A. bikarmeistari 2001 og 2006. Deildarbikarmeistari: 2001 og 2003. Skjaldarhafi: 2001. Evrópumeistari: 2005. Evrópumeistari félagsliða: 2001. Stórbikar Evrópu: 2001 og 2005.

Landsleikir með Þýskalandi: 59.

Landsliðsmörk: 5.

Undir 23. árs landsleikir: 6.

                                                                             Fróðleikur...

- Dietmar byrjaði feril sinn hjá smáliðinu FC Wacker München áður en hann gekk til liðs við stórlið Bayern Munchen 1989.

- Honum vegnaði vel hjá Bayern og varð þýskur meistari 1994 og 1997. Hann varð svo bikarmeistari 1998 og Deildarbikarmeistari 1997. Didi var í sigurliði Bayern í Evrópukeppni félagsliða árið 1996.
 
- Á þeim tíma sem hann spilaði með Bayern lék hann með tveimur leikmönnum sem áttu seinna eftir að leika með honum hjá Liverpool. Þetta voru þeir Markus Babbel og Christian Ziege.

- Kenny Dalglish var framkvæmdastjóri Newcastle þegar Dietmar var keyptur þangað.

- Dietmar skoraði í vítaspyrnukeppninni þegar Liverpool vann Evrópubikarinn eftir sigur á AC Milan í Istanbúl. Hann var með brotið bein í fæti þegar hann tók spyrnuna!

- Didi skoraði með síðustu spyrnu sinni í búningi Liverpool. Þetta var vítaspyrnukeppninni í úrslitaleik F.A. bikarins 2006 þegar Liverpool vann West Ham United. Didi skoraði úr spyrnu sinni en lék aldrei aftur með Liverpool.

- Haustið 2000 skoraði Dietmar síðasta markið á gamla Wembley. Hann skoraði þá eina mark leiksins þegar Þjóðverjar unnu Englendinga.

- Dietmar var í silfurliði Þjóðverja á HM 2002. Þjóðverjar töpuðu 2:0 í úrslitaleik við Brasilíumenn. Ronaldo skoraði bæði mörkin.

- Ditmar hefur verið að mennta sig í þjálfun og er búinn að reyna sig sem framkvæmdastjóri. Hann var framkvæmdastjóri Stockport County frá sumari 2011 og fram í nóvember. Hann sagði þá af sér.
 
- Um þessar mundir er helst von í að sjá Didi í fjölmiðlum. Hann hefur verið að vinna við sjónvarpslýsingar og það má af og til sjá hann á sjónvarpsstöð Liverpool.  

                                                       Með eigin orðum þegar hann yfirgaf Liverpool...

,,Ég myndi hafa viljað vinna Úrvalsdeildina en ég er ánægður með þá titla sem við unnum. Við vorum reyndar nokkuð heppnir í í sumum úrslitaleikjanna. En ég er bara þakklátur fyrir að hafa spilað fyrir jafn magnað félag og Liverpool."