Aðalfundur á morgun, miðvikudag

Við minnum félagsmenn á aðalfund Liverpoolklúbbsins á Íslandi á morgun, miðvikudagskvöldið 27. maí kl. 20:00 á Spot í Kópavogi.

Dagskrá fundarins samkvæmt 11.gr laga Liverpoolklúbbsins:

- Kosning fundarstjóra og fundarritara.
- Stjórn leggur fram skýrslu fyrir yfirstandandi starfsár.
- Stjórn leggur fram endurskoðaða reikninga.
- Umræður um skýrslu stjórnar og reikninga.
- Lagabreytingar, löglega fram bornar.
- Kosning þriggja stjórnarmanna til tveggja ára.
- Kosning tveggja varamanna til eins árs.
- Kosning endurskoðanda.
- Ákvörðun um árgjald.
- Önnur mál.

Allir þeir meðlimir sem hafa greitt árgjöldin fyrir tímabilið 2014-2015 hafa atkvæðisrétt á aðalfundinum.

Lög klúbbsins má finna hér.
http://www.liverpool.is/Club/Article/6

Við hvetjum alla meðlimi klúbbsins til að mæta á aðalfundinn og láta málefni hans sig varða.

Eftirfarandi breytingartillaga á lögum Liverpoolklúbbsins verður lögð fyrir aðalfund þann 27. maí nk.

15. gr. breytist með eftirfarandi hætti.

Fyrir:
Stjórn félagsins skipa 7 menn ( formaður, varaformaður, ritari, gjaldkeri og 3 meðstjórnendur ) sem kosnir eru á aðalfundi. Einnig er kosnir tveir varamenn og taka þeir sæti í stjórn í sömu röð og þeir voru kosnir. Formaður er kosinn sér á aðalfundi en að öðru leyti skiptir stjórnin með sér verkum á fyrsta stjórnarfundi eftir aðalfund. Formaður getur aðeins setið 3 kjörtímabil ( 6 ár ) samfleytt.

Eftir:
Stjórn félagsins skipa 7 menn ( formaður, varaformaður, ritari, gjaldkeri og 3 meðstjórnendur ) sem kosnir eru á aðalfundi. Einnig er kosnir tveir varamenn og taka þeir sæti í stjórn í sömu röð og þeir voru kosnir. Formaður er kosinn sér á aðalfundi en að öðru leyti skiptir stjórnin með sér verkum á fyrsta stjórnarfundi eftir aðalfund. Formaður getur aðeins setið 3 kjörtímabil ( 6 ár ) samfleytt. Framboðum til stjórnarkjörs skal skila eigi síðar en 14 dögum fyrir aðalfund.

Fh. stjórnar.
Guðmundur Þór Magnússon.