Jürgen Klopp er gráðugur í titla!

Jürgen Klopp er gráðugur í titla! Hann vill fyrir alla muni stýra Liverpool til sigurs gegn Manchester City í Deildarbikarúrslitunum á Wembley á morgun. 

,,Ég er búinn að vera nógu lengi í þessu til að vita að ég er gráðugur í titla. Auðvitað fórum við í úrslitaleikinn til að reyna að ná því sem við stefnum að. En sigur er að sjálfsögðu mikilvægari fyrir félagið, áhorfendur og leikmenn. Margir framkvæmdastjórar fá aldrei tækifæri á starfsferli sínum til að vinna titil. Nú, eftir að hafa verið hér stuttan tíma, fáum við tækifæri á því. Auðvitað mun ég gleðjast af öllu hjarta. Allir munu leggja allt í sölurnar."

Því er ekki að neita að Manchester City er sigurstranglegra liðið á morgun. Sterkari leikmenn eru í leikmannahópi þeirra og liðið er all mörgum stigum á undan Liverpool í deildinni. Jürgen segir erfitt verkefni framundan en sigur getur unnist ef allt gengur upp.


,,Man City hefur frábæru liði á að skipa og við verðum að spila rosalega vel. Við verðum að leggja upp áætlun sem dugar okkur. Kannski þurfum við að hlaupa meira en Man City. Við verðum að loka réttu svæðunum. Við verðum að halda yfirvegun okkar, pressa og gefa tóninn með því að leika af krafti. Ef þetta tekst gætum við unnið leikinn og þeir vita það. Öllu skiptir að vinna þegar í úrslitaleik er komið. Mér er alveg sama hvernig við förum að því. Ég vil kannski vinna á einhvern ákveðinn hátt fyrir leikinn en ef við vinnum 1:0 heppnissigur þá gæti mér ekki verið meira sama!"

Allt er tilbúið fyrir úrslitaleik Liverpool og Manchester City!