Styrkur til Neistans

Liverpoolklúbburinn á Íslandi styrkti á dögunum Neistann - styrktarfélag hjartveikra barna um 500.000 kr.  Styrkurinn var veittur við hátíðlega stund á Bessastöðum þann 19. maí síðastliðinn þar sem Forseti Íslands, Guðni Th. Jóhannesson flutti stutt ávarp.  Börn frá Neistanum fengu Liverpool treyjur frá Actus og að sjálfsögðu fékk Forsetinn treyju líka.

Heiðursgestur á árshátíð Liverpoolklúbbsins, Jamie Carragher og Guðni Th. afhentu svo forsvarsmönnum Neistans ávísun að upphæð 500.000 kr.

Liverpoolklúbburinn á Íslandi vonar innilega að styrkurinn nýtist Neistanum vel í því mikilvæga starfi sem félagið vinnur.  Hér fyrir neðan eru nokkrar myndir frá athöfninni á Bessastöðum.