Árshátíð Liverpool klúbbsins er á laugardaginn!

Árshátíð Liverpool klúbbsins á Íslandi verður haldin á laugardaginn. Klúbburinn er 25 ára í ár. Hér eru helstu upplýsingar um árshátíðina og dagskrána um helgina.

- Árshátíðin verður haldin núna á laugardagskvöldið í Silfursölum á Hallveigarstíg í Reykjavík. Húsið opnar klukkan sjö með fordrykk í boði hússins. 

- Hægt verður að fá myndir af sér með heiðursgestunum áður en matur er borinn á borð. Matseðill kvöldsins lofar mjög góðu.  


- Í ár eru tveir heiðursgestir á árhátíðinni. Tékkarnir Patrik Berger og Vladimír Šmicer koma til landsins. Þeir félagar eru miklir vinir og eru oft á ferðinni saman. Þeir léku um tíma saman með Liverpool.  

- Á laugardaginn milli klukkan tvö og þrjú verða þeir Patrik og Vladimír í búðinni Jóa Útherja í Ármúla 36 í Reykjavík þar sem þeir munu árita fyrir stuðningsmenn Liverpool. Gott er að vera tímanlega á ferðinni því búast má við að stuðningsmenn Liverpool fjölmenni. 

- Á Bylgjunni klukkan níu í fyrramálið verður viðtal við forsvarsmenn Liverpool klúbbsins og hvetjum við stuðningsmenn Liverpool til að hlusta á.

Það verður nóg um að vera um helgina hjá Liverpool klúbbnum á Íslandi á þessum miklu tímamótum í sögu klúbbsins. Þegar þetta er skrifað er svo til uppselt á árshátíðina en hægt er að athuga með miða á þessari vefslóð. 

YNWA!