Niðurtalning - 1. kapítuli

Liverpool og Chelsea mætast í leiknum um Stórbikar Evrópu á miðvikudaginn kemur. Niðurtalning fyrir leikinn hefst hér og nú.

+ Leikurinn um Stórbikar Evrópu er árlegur opnunarleikur Evrópumótanna.

+ Fyrst var keppt um Stórbikar Evrópu á leiktíðinni 1972/73. Ekki hefur þó verið keppt um bikarinn á hverju ári. Nokkur ár hafa fallið úr.

+ Barcelona, 1992, 1997, 2009, 2011 og 2015, og AC Milan, 1989, 1990, 1994, 2003 og 2007, hafa oftast unnið Stórbikar Evrópu eða fimm sinnum.

+ Real Madrid hefur unnið bikarinn fjórum sinnum.


+ Liverpool og Altetico Madrid koma næst með þrjá sigra á afrekaskrá sinni.    

+ Frá 1972 til 1999 var leikurinn milli sigurvegara í Evrópukeppni meistaraliða og Evrópukeppni bikarhafa. Eftir að Evrópukeppni bikarhafa var sameinuð Evrópukeppni félagsliða, sem seinna varð að Evrópudeildinni, leika sigurvegarar Meistaradeildarinnar og Evrópudeildarinnar um bikarinn.

+ Lengst af voru leiknir tveir leikir heima og að heiman en frá árinu 1998 hefur verið spilaður einn leikur.


+ Frá 1998 til 2012 var leikurinn spilaður í furstadæminu Mónakó á leikvangi Loðvíks annars sem er heimavöllur Monaco.

+ Síðan hefur leikurinn farið fram á leikvöngum víðs vegar um Evrópu.  

+ Í ár fer leikurinn fram á Vodafone Park í Istanbul í Tyrkandi. Völlurinn er heimavöllur Besiktas. Völlurinn tekur 41.188 áhorfendur.


+ Liverpool mætir til leiks sem sigurvegari Meistaradeildar eftir 2:0 sigur á Tottenham Hotspur í Madríd. Chelsea vann Evrópudeildina í vor eftir 4:1 sigur á Arsenal í Bakú. 

+ Þetta verður í fyrsta sinn sem tvö ensk lið spila um Stórbikar Evrópu. 

+ Stéphanie Frappart frá Frakklandi dæmir leikinn. Hún er fyrsta konan sem dæmir úrslitaleik karla á Evrópumóti. Aðstoðardómarar hennar eru allar konur.