Í hnotskurn

Aþenufararnir luku leiktíðinni með jafntefli sem dugði til þriðja sætis. Robbie Fowler kvaddi Anfield Road og aðdáendur sína. Þetta er leikur Liverpool og Charlton í hnotskurn.

- Liverpool spilaði sinn 38. og síðasta deildarleik á þessari leiktíð.

- Í leikjunum 38 vann liðið 20 leiki, gerði 8 jafntefli og laut í gras 10 sinnum. Þessi árangur gaf Liverpool 68 stig.

- Liverpool endaði í þriðja sæti deildarinnar.

- Leikmenn Liverpool skoruðu 57 mörk. Markverðir Liverpool máttu sækja boltann 27 sinnum í markið.

- Dirk Kuyt skoraði flest deildarmörk Liverpool. Hann skoraði þrettán.

- Steven Gerrard lék flesta leiki Liverpool í deildinni. Hann lék 36 leiki af 38.

- Alls tóku 29 leikmenn Liverpool þátt í deildarleikjunum 38.

- Daniele Padelli lék sinn fyrsta leik með Liverpool. Hann varð fyrstur Ítala til að spila með Liverpool.

- Markvörður Charlton var líka í fyrsta sinn í byrjunarliði síns liðs.

- Scott Carson mátti ekki leika gegn Liverpool þar sem hann var í láni. Hann var kosinn leikmaður ársins hjá Charlton!

- Robbie Fowler lék sinn síðasta leik, á Anfield Road, sem leikmaður Liverpool. Hann leiddi liðið sem fyrirliði í þessum síðasta leik sínum í Musterinu.

- Xabi Alonso skoraði fjórða mark sitt á leiktíðinni. Hann skoraði helminginn af mörkum sínum gegn Charlton!

- Harry Kewell skoraði fyrsta mark sitt á þessari leiktíð. 

- Xabi var fljótur að láta til sín taka eftir að hann kom inn sem varamaður. Hann var ekki búinn að vera inn á í nema eina mínútu þegar hann skoraði!

- Tvær skiptingar Rafael Benítez tókust fullkomlega. Bæði Xabi og Harry komu inn á sem varamenn.

- Þriðja skiptingin hefði mátt bíða í eina mínútu!

- Mínútu eftir að Robbie fékk heiðursskipting var dæmd vítaspyrna á Charlton! Robbie hefði tekið hana ef hann hefði enn verið inni á vellinum.

- Það er langt um liðið frá því leikmaður hefur verið hylltur jafn innilega á Anfield Road og Robbie Fowler.

- Allir áhorfendur, líka þeir sem fylgdu Charlton, stóðu upp og klöppuðu fyrir meistaranum þegar honum var skipt af velli.

- Venju samkvæmt gengu leikmenn Liverpool heiðurshring eftir leikinn og þökkuðu stuðningsmönnum sínum stuðninginn á leiktíðinni.

Jákvætt:-) Liverpool náði þriðja sæti deildarinnar með jöfnunarmarkinu á lokamínútu leiksins. Harry Kewell kom gríðarlega sterkur til leiks. Robbie Fowler fékk að kveðja Anfield Road á þann hátt sem goðsögn eins og hann átti skilið. 

Neikvætt:-( Robbie Fowler náði ekki að skora. Hann var farinn af leikvelli þegar Liverpool fékk vítaspyrnu. Því miður komu meiðsli í veg fyrir að Jerzy Dudek gæti spilað kveðjuleik sinn. Varnarleikur Liverpool var með því allra versta sem hefur sést á leiktíðinni.  

Þrír bestu leikmenn Liverpool samkvæmt Liverpoolfc.tv:

1. Steven Gerrard. Hann var gríðarlega duglegur eins og venjulega. Þó svo að hann væri að hugsa um Aþenuferðina þá gaf hann ekki eftir í neinni tæklingu.

2. Harry Kewell. Ástralinn kom inn sem varamaður fyrir Bolo Zenden og átti stórgóðan leik. Harry gaf Liverpool kraft á vinstri kantinn. Hann sýndi líka mikla leikni. Hann lagði upp jöfnunarmarkið fyrir Xabi Alonso, átti þrumuskot í þverslá og jafnaði svo metin úr vítaspyrnu.

3. Robbie Fowler. Uppáhaldssonur The Kop náði að vísu ekki að skora í kveðjuleik sínum á Anfield en hann reyndi þó sitt besta til þess. Hann sýndi góð tilþrif og spilaði boltanum vel. Tvívegis var heppnin ekki með honum í góðum færum.