Torres með en Gerrard ekki

Fernando Torres er í leikmannahóp liðsins fyrir leikinn gegn Utrecht á morgun í Evrópudeildinni.  Steven Gerrard verður hinsvegar hvíldur.

Ef Torres spilar mun þetta vera í fyrsta skipti sem hann spilar Evrópuleik á tímabilinu.

Þeir Steven Gerrard og Daniel Agger ferðuðust hinsvegar ekki með liðinu til Hollands þar sem Roy Hodgson hefur ákveðið að hvíla þá.  Fjarvera Agger vekur hinsvegar upp nokkrar spurningar þar sem hann bæði Paul Konchesky og Fabio Aurelio eru meiddir og því er vinstri bakvarðastaðan þunnskipuð.  Þó má gera ráð fyrir því að Hodgson vilji ekki taka neina áhættu með Agger fyrir leikinn við Blackpool á sunnudaginn og Martin Kelly mun þá líklega spila gegn Utrecht.

Hópurinn sem ferðaðist til Hollands er eftirfarandi:

Pepe Reina, Brad Jones, Glen Johnson, Martin Kelly, Sotirios Kyrgiakos, Martin Skrtel, Jamie Carragher, Jonjo Shelvey, Christian Poulsen, Lucas, Maxi Rodriguez, Jay Spearing, Ryan Babel, Raul Meireles, Milan Jovanovic, Joe Cole, Dirk Kuyt, Nathan Eccleston, David Ngog, Fernando Torres.