Vandræði með vinstri bakverði

Allir vinstri bakverðir félagsins eru nú á meiðslalista þannig að svo gæti farið að Jamie Carragher þyrfti að leysa stöðuna gegn Blackpool á morgun.

Martin Kelly var eini vinstri bakvörðurinn í leikhæfu ástandi á fimmtudaginn, þegar liðið mætti Utrecht í Evrópudeildinni, en hann verður frá á morgun vegna smávægilegra hnémeiðsla.

Paul Konchesky er sem kunnugt er meiddur og Fabio Aurelio sömuleiðis. Miðvörðurinn Daniel Agger, sem hefur leyst stöðuna af og til í haust, er einnig meiddur þannig að hinn 17 ára Jack Robinson er sem stendur eini vinstri bakvörður félagsins sem er heill heilsu. Talið er ólíklegt að Hodgson treysti honum í leikinn.

Líklegra verður að teljast að Hodgson biðji Jamie Carragher að færa sig út til vinstri og Grikkinn Sotirios Kyrgiakos komi inn í miðvörðinn í staðinn fyrir Jamie.

Jamie er reyndur alvanur að spila allar stöður í vörninni, spilaði meðal annars sem vinstri bakvörður mest allt tímabilið þegar Liverpool vann þrennuna undir stjórn Gerard Houllier, þannig að vandræðin eru nú kannski ekki grafalvarleg.