Lánsamur og stoltur!

Jose Reina nær merkum áfanga núna á fimmtudaginn verði hann í marki Liverpool gegn Braga. Fari svo verður það leikur númer þrjú hundruð hjá honum fyrir hönd Liverpool. Hann segist lánsamur og stoltur að hafa spilað svona marga leiki með Liverpool.

,,Nei, ég átti ekki von á því að ég myndi ná þessum áfanga. Það er erfitt að flytjast í nýtt land. Maður veit ekki hvernig gangi að koma sér fyrir  og hvaða álit fólk þar hefur á manni."

,,Ég bjóst alls ekki við því að spila svona marga leiki og ég er mjög stoltur. Ég hef trú á mér og ég vissi að ég gæti staðið mig vel en það er annað mál að ná 300 leikjum. Mér finnst ég hafa verið mjög lánsamur og ég er stoltur af hverjum einasta leik."