Steven Gerrard í hópnum

Steven Gerrard er í liðshópi Liverpool sem mætir Brighton and Hove Albion í Deildarbikarnum í kvöld. Hann hefur ekki leikið með liðinu sínu frá því í byrjun mars þegar Liverpool vann Manchester United 3:1.

Eftir þann leik fór Steven í aðgerð á nára og svo fylgdi önnur aðgerð nokkrum vikum seinna. Löng endurhæfing hefur svo staðið yfir síðustu mánuði. Bakslag kom vegna sýkingar í sumar en nú á allt að vera í lagi með nárann.  

Það verður spennandi að sjá hvort Steven Gerrard kemur við sögu í kvöld. Vonandi fer honum vel fram næstu vikur því það er ekki neinn vafi á því að fyrirliðinn mun styrkja liðið sitt rækilega komist hann á fullan skrið.