Mark spáir í spilin

Þetta er, fyrir margra hluta sakir, algjör stórleikur. Aðallega þó vegna þess að þetta er fyrsti heimaleikur Liverpool frá því nýja Hillsborough skýrslan var opinberuð. Ég held að United muni taka virkan þátt í þeirri athöfn sem verður fyrir leikinn. Ég hef ekki áhyggjur af því stuðningsmenn liðanna muni kyrja eitthvað sem er óviðeigandi því þeir allir skilja mikilvægi þess sem kom fram í skýrslunni. 

Um leið og leikurinn hefst verður barist upp á kraft því þannig er það alltaf og ég á von á jöfnum leik. Liverpool getur ekki, fyrir nokkurn mun, skorað um þessar mundir og um það getum við líklega skrifað í hverri viku héðan í frá og fram í janúar þegar opnað verður fyrir félagaskipti.

Vörn United var ekkert sérstaklega traustvekjandi á móti Galatasaray í Meistaradeildinni og þeir misstu boltann oft. Ef satt skal segja þá hefur þetta verið svona alla leiktíðina en þeir unnu á miðvikudaginn og fyrir utan fyrsta leikinn á móti Everton þá hafa þeir unnið alla sína leiki og það þrátt fyrir að hafa ekki spilað vel. Ég held að það viti á gott fyrir þá.

Spá: 1:1.

                                                                                   Til minnis!
 
- Liverpool er í fjórða neðsta sæti fyrir leikinn.
 
- Liverpool hefur aðeins fengið tvö stig úr fyrstu fjórum leikjum sínum.

- Það er versta byrjun liðsins í deildinni frá því 1911/12 en þá var liðið líka með tvö stig eftir fjóra leiki. 

- Fabio Borini er eini leikmaður Liverpool sem hefur tekið þátt í öllum leikjum leiktíðarinnar. 

- Luis Suarez er markahæstur leikmanna Liverpool með þrjú mörk.

Hér má sjá leikmenn Liverpool æfa á Melwood fyrir leikinn. 

Hér má sjá Brendan Rodgers ræða um leikinn.