Fánadagur á Akureyri á sunnudaginn

Í tengslum við leik Everton og Liverpool, sem fram fer á Goodison Park, verður fánadagur Liverpoolklúbbsins á Íslandi haldinn hátíðlegur á heimavelli klúbbsins á Akureyri, SportVitanum sem staðsettur er við Strandgötuna.  Mikið og margt verður að gerast á fánadeginum og glæsileg verðlaun verða í boði.  Meðal þess sem við ætlum að taka okkur fyrir hendur er:

- Getraun

- Best skreytti einstaklingurinn

- Best skreytta barnið

- Best skreytta borðið

Nú er um að gera að dressa sig upp og mæta á svæðið í sínu fínasta Liverpool pússi, mæta tímanlega og taka þátt í að mynda frábæra stemmningu.

Að sjálfsögðu verða sérkjör klúbbsins í boði á svæðinu, hvort sem um ræðir mat eða drykk.  Dagskráin sem slík hefst klukkan 12:30 en leikurinn sjálfur hefst klukkutíma síðar.  Húsið sjálft mun opna kl. 11:30.

Vert er að benda fólki á að vetrartími tekur gildi í Bretlandi aðfaranótt sunnudagsins 28. október og því hefst leikurinn á sama tíma hér heima og úti.

Stjórn Liverpoolklúbbsins verður á staðnum og hafa menn og konur því tækifæri á því að heilsa uppá stjórnarmeðlimi.

Hér má sjá Facebook síðu stuðningsmanna félagsins á Akureyri og hér má finna Facebook síðu SportVitans.