Jordan æfir og æfir!

Jordan Henderson þykir geysilega duglegur að æfa sig. Hann æfir sig aukalega við hvert tækifæri og kannski skilaði það sér á móti Aston Villa? Hann hefur nefnilega verið að æfa skottækni sína upp á síðkastið.

,,Fullt af leikmönnum æfa aukalega. Ég æfi gjarnan markskot. Mér finnst mikilvægt að miðjumenn skori svolítið af mörkum. Markmennirnir eru gjarnan lengur eftir æfingar með Mike Marsh og nokkrum af okkur. Mér finnst að ég þurfi að bæta mig á mörgum sviðum. Eitt af því sem ég þarf að æfa mig í er að skora mörk því þau eru svo mikilvægur þáttur í knattspyrnunni. Miðjumaður fær líka trúlega fleiri tækifæri hjá framkvæmdastjóranum ef hann veit að hann getur treyst á nokkur mörk hjá honum."

,,Maður þarf að skapa sér stöðugleika. Þó vel gangi má maður ekki missa sig og halda að allt sé í góðum málum. Eins má maður ekki leggjast í þunglyndi þótt á móti blási. Það hjálpar að tileinka sér jafnvægi. Maður þarf að halda sínu striki og halda fótunum á jörðinni. Sérstaklega þegar maður er hjá svona stóru félagi eins og Liverpool því þar er maður alltaf undir smásjá. Maður þarf að standa sig í hverri einustu viku og ef maður gerir það ekki þá verður maður ekki valinn eða þá tekinn snarlega af velli. Því fyrr sem maður skilur þetta því betra."

Það er næsta víst að þetta góða viðhorf Jordan Henderson hefur dugað honum vel á tímabilinu og svo hafa skotæfingarnar ekki spillt fyrir. Hann afgreiddi markið á móti Aston Villa að minnsta kosti með glæsibrag.