Leikdagur gegn West Ham

Útileikur gegn West Ham United, sem frestað var vegna þátttöku Liverpool í Heimsmeistarakeppni félagsliða, hefur fengið nýja dagsetningu.

Leikurinn fer fram miðvikudaginn 29. janúar kl. 19:45. Okkar menn eiga því alls sex leiki í janúar og ef sigur vinnst á Everton í FA bikarnum verða leikirnir alls sjö talsins.

Við skulum vona að forysta okkar manna í deildinni minnki ekki mikið í þessu leikjaálagi og vonandi koma menn til baka úr meiðslum fljótlega á nýju ári, ekki virðist veita af.