Hlýrra uppi í stúku!

Arne Slot, framkvæmdastjóri Liverpool, mátti sitja uppi í stúku þegar Liverpol mætti Southampton í Deildarbikarnum á miðvikudagskvöldið. Hann sat af sér eins leiks bann eftir að hafa fengið fimm gul spjöld frá því leiktíðin hófst. Það var rok og rigning á suðurströndinni. Arne sagði að það hefði verið hlýrra og notalegra uppi í stúku en niðri á hliðarlínunni. 

,,Það var fínt að horfa á leikinn ofan úr stúkunni. Þar var hlýrra en ég á að venjast við hliðarlínuna. Ég vona þó að þetta verði í eina skiptið sem ég sit uppi í stúku."

,,Þetta var ekki auðveldur leikur í þessum mikla vindi sem var en sigurinn var mikilvægur. Við stefnum á að verja bikarinn sem liðið vann á síðasta keppnistímabili undir stjórn Jürgen Klopp. Ég átti auðvitað ekki neinn þátt í því er en margir af leikmönnum Liverpool sem unnu bikarinn á síðustu leiktíð eru ennþá hérna. Liverpool á að berjast um alla bikara sem eru í boði."

Sipke Hulshoff, nánasti aðstoðarmaður Arne Slot stýrði Liverpool af hliðarlínunni. Honum tókst greinilega vel upp því Liverpool vann!