Meiðslafréttir

Meiðslalistinn er venju fremur stuttur um þessar mundir. Aðeins þrír aðalliðsmenn eru meiddir sem stendur. Það er auðvitað hið besta mál

Conor Bradley er nýr maður á listanum. Hann tognaði á móti Aston Villa í síðustu viku. Norður Írinn verður frá í nokkrar vikur. Það þýðir auðvitað að Trent Alexander-Arnold er eini hægri bakvörður Liverpool sem er til taks.

Joe Gomez tognaði aftan í læri í FA bikarnum á móti Plymouth. Tognunin var það slæm að hann þurfti að fara í aðgerð. Óvíst er að hann geti spilað meira á leiktíðinni en þó er það ekki útilokað. 

Tyler Morton meiddist á öxl og nú um miðjan mánuðinn fór hann í aðgerð. Hugsanlega missir hann af því sem eftir er af leiktíðinni. 

Cody Gakpo er laus af listanum og kom inn sem varamaður á móti Manchester City um helgina. Hann hafði misst af tveimur leikjum þar á undan.