Fabio Aurelio skrifar undir !

Þau stórmerkilegu tíðindi gerðust í dag að Fabio Aurelio skrifaði undir tveggja ára samning við Liverpool.  Þykir þetta tíðindum sæta því Aurelio hafði fyrr í sumar farið frá félaginu eftir að samningur hans rann út og samningaviðræður milli hans og félagsins báru ekki árangur.

Roy Hodgson hafði hinsvegar áhuga á að kanna stöðuna á þessum oftar en ekki meiðslum hrjáða bakverði og fékk hann aftur á Melwood til að meta stöðuna á honum, hann hafði þetta að segja um málið:

,,Ég bað starfsmenn félagsins um að athuga hvort að Aurelio hefði fundið sér nýtt félag.  Þegar við vorum búnir að ganga úr skugga um að svo var ekki bauð ég honum á Melwood svo að ég, starfsfólk mitt og læknaliðið gæti lagt almennilegt mat á leikmanninn."

,,Við vorum öll mjög ánægð með hann og ég er hæstánægður með að við skyldum hafa getið fengið hann aftur til félagsins."

Aurelio fór svo með liðinu í dag sem flaug til Þýskalands til að spila æfingaleik við Borussia Mönchengladbach á morgun, sunnudag.