Búið að taka tilboði í Ryan Babel

Síðdegis í gær var tilkynnt á Liverpoolfc.tv að Liverpool hefði samþykkt tilboð í Ryan Babel. Tilboðið er frá þýska félaginu Hoffenheim.  

Ryan er nú í Þýskalandi þar sem hann reynir að ná samningum um kaup og kjör. Það má telja mjög líklegt að af samningum verði og Ryan verði þar með fyrsti leikmaðurinn til að fara frá Liverpool á þessu nýja ári.

Reyndar er sagður möguleiki á því að Ryan fari til Ajax en hann mun hafa áhuga á að ganga til liðs við sitt gamla félag. Luis Suarez, sóknarmaður Ajax, hefur verið orðaður við Liverpool upp á síðkastið og verið gæti að Ryan kæmist til Hollans ef Luis færi til Englands. 

En hvað sem úr því verður þá má Ryan fara til Hoffenheim og verið er að vinna í því máli.