Jay meiddur en ekki illa

Heppnin hefur ekki verið með Jay Spearing síðustu vikurnar. Fyrst fékk hann leikbann og svo meiddist hann í síðasta leik. Eftir að Lucas Leiva meiddist reiknuðu margir með að Jay myndi leysa hlutverk hans en hann lenti í þriggja leikja banni eftir að vera rekinn af velli gegn Fulham. Þótti mörgum rauða spjaldið hart en því var ekki haggað. 

Hann kom svo aftur inn í liðið í jólatörninni. En um miðjan hálfleik í Deildarbikarleiknum, gegn Manchester City, fór hann af velli tognaður á læri. Tognunin mun þó ekki vera alvarleg og hann ætti ekki að missa af mörgum leikjum. Hann getur þó ekki leikið gegn Stoke City í dag.

Jay hefur sýnt að honum er treystandi í aðalliði Liverpool. Baráttuandi hans er til fyrirmyndar enda er hann alinn upp hjá Liverpool. Hann er svo best til þess fallinn, af þeim sem eru í liðshópi Liverpool, til að leysa stöðuna sem Lucas Leiva sinnti svo vel þar til hann meiddist. Það er því ekki gott að hann verði lengi frá.