Mark spáir í spilin

Eftir að hafa orðið vitni af jafntefli Liverpool á móti Aston Villa gæti ég trúað, þó úrslitin bendi kannski ekki til þess, að liðið hans Kenny Dalglish gæti hafa snúið blaðinu við. Liðið spilaði vel á köflum og Daniel Agger er kominn aftur til svo hann getur leikið við hliðina á Martin Skrtel í vörninni. Það er líka  farið að styttast í að Glen Johnson komi aftur eftir meiðsli.

Leikurinn milli þessara liða á sama stað á síðustu leiktíð var sá síðasti hjá Roy Hodgson. Ég á von á því að Blackburn gefi Liverpool ekkert eftir líkt og þeir gerðu gegn Manchester United í síðustu viku. Samt held ég að Liverpool hafi nóg í pokahorninu til að ná hagstæðum úrslitum á Ewood Park áður en þeir spila við Everton í undanúrslitum F.A. bikarkeppninnar síðar í vikunni.  

Blackburn gafst eiginlega upp á móti West Brom og Steve Kean á eftir að heimta almennilegan leik af sínum mönnum. Ég hugsa að stjóri Blackburn hefði frekar viljað spila þennan leik á miðvikudaginn svo hann gæti undirbúið liðið betur á æfingasvæðinu. 

Spá: 1:1.

                                                                                   Til minnis!
 
- Liverpool hefur aðeins unnið tvo deildarleiki á árinu.
 
- Liverpool er í áttunda sæti deildarinnar með 43 stig.

- Liverpool og Blackburn skildu jöfn 1:1 á Anfield Road á öðrum degi jóla. Sjálfsmark Charlie Adam kom gestunum yfir en Maxi Rodriguez jafnaði. 

- Tréverkið muna hafa bjargað andstæðingum Liverpool 28 sinnum á leiktíðinni.

- Blackburn hefur tapað síðustu þremur leikjum sínum.
 
- Liverpool hefur unnið fleiri leiki úti en heima hingað til í deildinni.

- Blackburn hefur fengið fleiri stig á árinu en Liverpool.

- Luis Suarez hefur skorað flest mörk leikmanna Liverpool eða þrettán talsins.


                                                                                       Síðast!