Gömul saga og ný

Það er komið sumar og það þýðir að vangaveltur eru hafnar um hvað verði um Alberto Aquilani. Ítalinn lék sem lánsmaður hjá AC Milan á síðustu leiktíð og stóð sig vel. Þaðan hefur þó ekki borist neitt fast kauptilboð eins og kannski var búist við. Alberto náði reyndar ekki þeim leikjafjölda sem hefði sjálfkrafa framkallað söluferli eins og samið hafði verið um. 

Það verður því ekki annað séð en að Alberto, sem Rafael Benítez keypti sumarið 2009, hefji æfingar með Liverpool í næsta mánuði. Reyndar er það kannski ekki víst því allt getur gerst þegar Alberto er annars vegar!

Sem fyrr segir stóð Alberto sig vel í Mílanó og leiktíðina á undan lék hann með Juventus og þar gekk honum líka prýðilega. Kenny Dalglish lánaði hann í fyrra og Roy Hodgson lánaði hann árið áður. Nú er að sjá hvað Brendan Rodgers vill gera með Ítalann. Mun hann lána hann, næst að selja hann eða verður hann með Liverpool á komandi sparktíð? Sem sagt gömul saga og ný!